ಜನನಿ

ಅಮ್ಮ ನಿನ್ನ ಪ್ರೀತಿ ಬಹು ಮಧುರ
ಅದ ಪಡೆದ ನನ್ನ ಜೀವನ ಅಮರ

ನೀ ಕಲಿಸಿಕೊಟ್ಟೆ ನನಗೆ ಮೊದಲ ನುಡಿ
ನೀನೆ ಬರೆದೆ ನನ್ನ ಬದುಕಿನ ಮುನ್ನುಡಿ

ಬೆಳೆಸಿದೆ ನನ್ನ, ನೀಡಿ  ಅಕ್ಕರೆಯ ಕೈತುತ್ತು
ಬೆಂಬಲಿಸಿದೆ ನನ್ನ, ಕೊಟ್ಟು ಪ್ರೀತಿಯ ಮುತ್ತು

ಜೀವನ ಪಯಣದಿ ನಾ ಸಾಗಲು ಮುಂದೆ
ನೀ ನೆರಳಾಗಿ ಇದ್ದೆ ಸದಾ ಬೆನ್ನ ಹಿಂದೆ

ತ್ಯಾಗ, ಮಮಕಾರಕೆ ನೀನೆ ಮೂರ್ತ ರೂಪ
ನನ್ನ ಸಾಧನೆಯ ಹಾದಿಗೆ ನೀನೆ ದಾರಿ ದೀಪ

ನನ್ನ ಏಳಿಗೆಗಾಗಿ ನಿನ್ನ ಜೀವ ತೇದಿದ್ದೆ
ಗುಟುಕು ಸುಖದಲ್ಲೆ ನೀ ತೃಪ್ತಿ ಪಡುತ್ತಿದ್ದೆ

ಅಮ್ಮ ನೀನೊಂದು ವಾತ್ಸಲ್ಯದ ಸಾಗರ
ಎಷ್ಟು ಮಾಡಿದರು ಸಾಲದು ನಮಸ್ಕಾರ